Մադրիդի «Ռեալի» գլխավոր մարզիչ, 65-ամյա իտալացի մասնագետ Կառլո Անչելոտին անգլիական «Մանչեսթեր Սիթիի» հետ մարզչական անձնական դիմակայությունում հինգերորդ խաղում հաղթանակ է տարել։
Փետրվարի 19-ին Չեմպիոնների լիգայի փլեյ-օֆֆի պատասխան խաղում մադրիդցիները 3։1 հաշվով հաղթել են «Մանչեսթեր Սիթիին» ու դուրս են եկել մրցաշարի 1/8 եզրափակիչ (6։3 ընդհանուր հաշվով)։
Անչելոտին «Մանչեսթեր Սիթիի» դեմ անցկացրել է 16 հանդիպում, որոնցից առաջինը տեղի է ունեցել 2009 թվականի դեկտեմբերին։ Դրանցից 5-ն ավարտվել է իտալացի մարզչի հաղթանակով, երկուսը՝ ոչ-ոքի, իսկ 9-ը՝ «քաղաքայինների»:
Անչելոտին «Սիթիի» նկատմամբ առաջին հաղթանակը տարել է իր չորրորդ խաղում 2011 թվականի մարտին, երբ գլխավորում էր Լոնդոնի «Չելսին», իսկ «Սիթին» այն ժամանակ մարզում էր իտալացի Ռոբերտո Մանչինին։
Կառլոյի մյուս չորս հաղթանակները «Ռեալի» ղեկին են եղել՝ 2022 թվականի մայիսից մինչ օրս՝ արդեն իսպանացի Խոսեպ Գվարդիոլայի թիմի դեմ:
