Marca-ն մրցանակ է հանձնել Լիոնել Մեսսիին։ Արգենտինայի հավաքականի ավագը, ով հանդես է եկել «Բարսելոնայում» և ՊՍԺ-ում, ստացել է մրցանակը՝ որպես ֆուտբոլի պատմության մեջ ամենաշատ տիտղոսներ նվաճած ֆուտբոլիստ։
Ընդհանուր առմամբ հարձակվողն ունի 46 թիմային, ինչպես նաև 56 անհատական մրցանակ։ Նա ներկայումս հանդես է գալիս «Ինտեր Մայամիում»:
«Շատ շնորհակալ եմ այս ճանաչման համար։ Գիտեմ, որ այս մրցանակը պատրաստվել է մեծ սիրով։ Ես նրա համար տեղ կգտնեմ, քանի որ այն արժանի է դրան»,- ասել է Մեսսին մրցանակը ստանալուց հետո:
«Ես կարողացա իրականացնել իմ բոլոր երազանքները և հասնել շատ ավելիին, քան երազում էի. Աստված տվեց ինձ այդ ամենը: Ես կարողացա իրականացնել ֆուտբոլիստի ամենամեծ երազանքը՝ հաղթել Աշխարհի առաջնությունը։ «Բարսելոնայում» իմ կարիերայի ընթացքում ես կարողացա շատ տիտղոսներ նվաճել։ Տիտղոսներ նվաճեցի նաև ՊՍԺ-ում, իսկ այժմ՝ Մայամիի «Ինտերում»: Շարունակում եմ ամեն ինչ անել ավելիին հասնելու համար»,- Մեսսիի խոսքերն է մեջբերում Marca-ն:
