Մադրիդի «Ռեալի» ֆրանսիացի հարձակվող Կիլիան Մբապեի մայրը և նրա գործակալ Ֆայզա Լամարին ասել է, որ ֆուտբոլիստը կարող է դատի տալ ՊՍԺ-ին, եթե ֆրանսիական ակումբը չվճարի իր աշխատավարձը։ Հաղորդվում էր, որ փարիզցիները հարձակվողին պարտք են 100 միլիոն եվրո։
«Եթե մենք այլընտրանք չունենանք, ապա այո, իհարկե, դատավարություն կլինի։ Հիմա ես իսկապես հույս ունեմ, որ երկու տարի առաջ ստորագրած պայմանագիրը կհարգվի։ Իրականում ոչ ոք չի կարող ասել, թե ինչ է տեղի ունեցել, ոչ ես, ոչ էլ ՊՍԺ-ի ներկայացուցիչները, քանի որ երկու տարի շարունակ Կիլիանն ու նախագահը միշտ հանդիպել են առանձին, բացառությամբ մեկ անգամ։ Եվ այս ամենը չի խանգարել Կիլիանին խաղալ այն պահից, երբ փետրվարին հրապարակվեց նրա հեռանալու մասին հայտարարությունը»,- Լամարիի խոսքերն է մեջբերում Le Parisien-ը։
Ավելի վաղ ֆրանսիական հեղինակավոր L’Équipe պարբերականը հայտնել էր, որ ֆրանսիական գրանդը 2024 թվականի ապրիլից չի վճարել Մբապեի աշխատավարձն ու տարբեր բոնուսները։
