«Ռոմայի» և Արգենտինայի հավաքականի հարձակվող Պաուլո Դիբալան առաջիկա ամառային տրանսֆերային պատուհանի ընթացքում կարող է տեղափոխվել «Բարսելոնա»։ Այս մասին հայտնում է Sport.es-ը։
Ըստ աղբյուրի՝ հարձակվողի ներկայացուցիչներն իսպանական ակումբի ղեկավարությանը առաջարկել են իրենց հաճախորդի ծառայությունները։ 30-ամյա ֆուտբոլիստի ներկայիս աշխատանքային պայմանագիրը «Ռոմայի» հետ ներառում է կետ փոխհատուցման չափի մասին, որը կազմում է 12 միլիոն եվրո:
Նշվում է, որ «Բլաուգրանայի» ղեկավարությունը հետաքրքրված է այս տարբերակով և արգենտինացու գործակալներին խոստացել է աշխատել հնարավոր գործարքի վրա: Փոխհատուցման ցածր գումարը կարող է շատ ավելի հեշտացնել «Բարսելոնային» նման տրանսֆերի իրականացումը։
