Ջուդ Բելինգհեմը խոսել է ֆուտբոլում ռասիզմի մասին։
-Երբ կուռք ես դառնում, պետք է ամուր դիրք գրավես ֆուտբոլից դուրս այնպիսի հարցերի շուրջ, ինչպիսին է ռասիզմը:
-Դա ինձ ուժեղ զգացմունքներ է տալիս: Իմ տարիքի մարդիկ կարող են ցանկանալ խուսափել այս թեմայից, քանի որ այն կարող է հակասական լինել: Ես գիտեմ, որ եթե թերթեմ վերջին 24 ժամվա ընթացքում ստացած հաղորդագրություններս, դրանց մեջ ռասիստական վիրավորանքներ կգտնեմ։
Ես հիմա հաստ մաշկ ունեմ, բայց զարգացրել եմ իմ գիտակցությունը՝ տեսնելով, թե ինչպես կարող է դա ազդել ուրիշների վրա: Ես իմ աչքերով տեսա, թե ինչպես է դա տեղի ունենում որոշ տղաների հետ, որոնք գոլ չխփեցին Եվրոյի եզրափակչում (խոսքը 11 մետրանոց հարվածաշարում Մարկուս Ռեշֆորդի, Ջեյդոն Սանչոյի և Բուկայո Սակայի վրիպումների մասին է՝ ArmSport): Դժվար էր տեսնել, դա շատ տխուր է: Սա ուժեղ ազդեցություն ունեցավ նրանց վրա։ Եվ դա տեղի է ունենում մարդկանց հետ ամեն օր:
Ես հարթակ ունեմ և ուզում եմ շարունակել բարձրաձայն ասել, որ այս պահվածքն անընդունելի է։ Օրերս մեկ այլ միջադեպ տեղի ունեցավ Վինիսիուսի հետ։ Եթե հայտնի խաղացող ես, չես կարող լռել։ Եվ ես երբեք չեմ լռի,- Մադրիդի «Ռեալի» կիսապաշտպանի խոսքերն է փոխանցում L’Equipe-ը։
