«Մանչեսթեր Յունայթեդի» գլխավոր մարզիչ Էրիկ տեն Հագը Լիգայի գավաթում «Նյուքասլից» կրած պարտությունից հետո (0-3) կիսվել է իր մեկնաբանությամբ.
«Սա ցածր է այն ստանդարտից, որը բոլորն ակնկալում են «Մանչեսթեր Յունայթեդից». մենք բավականաչափ լավ չենք հանդես գալիս:
Մենք այս պահին վատ վիճակում ենք։ Ես պատասխանատվություն եմ կրում սրա համար։ Ես սա դիտարկում եմ որպես մարտահրավեր: Ես մարտիկ եմ և մասնակցում եմ այս պայքարին։
Մենք պետք է ամեն ինչ շտկենք։ Որպես թիմ մենք բավականաչափ լավը չենք, և ինչ պատճառներ էլ որ լինեն, արդարացումների տեղ չկա։
Մենք պետք է ավելի լավ գործենք և բարձրացնենք մեր չափանիշները, քանի որ հակառակ դեպքում դուք երբեք չեք հասնի կատարողականության այն մակարդակին, որը ձեզ անհրաժեշտ է և երբեք չեք հասնի արդյունքի:
Բայց ես մարտիկ եմ։ Ես գիտեմ, որ թվերը միշտ չէ, որ բարձրանում են, և այս մրցաշրջանում մենք շատ անհաջողություններ ենք ունեցել, բայց մենք պետք է ընդունենք դա:
Կկարողանա՞մ շտկել իրավիճակը: Ես հասկանում եմ, որ երբ արդյունքներ չկան, տրամաբանական է դա կասկածի տակ դնել։ Բայց ես վստահ եմ, որ կարող եմ դա անել: Իմ բոլոր ակումբներում ես դա անում էի, անցյալ տարի նույնն արեցի»,- Տեն Հագի խոսքերն է մեջբերում Daily Mail-ը:
