Չելսին մոտ է նոր տրանսֆեր ձևակերպելուն

«Ռենի» կիսապաշտպան Լեսլի Ուգոչուկվուն շուտով կտեղափոխվի «Չելսի», հայտնում է լրագրող Ֆաբրիցիո Ռոմանոն։

Աղբյուրի տեղեկություններով՝ 19-ամյա ֆրանսիացին արդեն բուժզննում է անցել ու պայմանագիր կկնքի նոր ակումբի հետ կիրակի օրը։

Չի բացառվում, որ ֆուտբոլիստը նոր մրցաշրջանը վարձակալական հիմունքներով կանցկացնի «Ստրասբուրգում»։

Նախորդ մրցաշրջանում Ուգոչուկվուն «Ռենի» կազմում անցկացրել է 35 հանդիպում՝ դառնալով գոլային փոխանցման հեղինակ։