«Մանչեսթեր Յունայթեդի» նախկին հարձակվող, «Դի Սի Յունայթեդի» ներկայիս գլխավոր մարզիչ Ուեյն Ռունին խոսել է պորտուգալացի հարձակվող Կրիշտիանու Ռոնալդուի մասին։
«Այն, ինչ Ռոնալդուն արել է «Մանչեսթեր Յունայթեդի» համար, հիանալի է: Նա նվաճեց Պրեմիեր լիգայի տիտղոսներ, նվաճեց Չեմպիոնների լիգան, շատ գոլեր խփեց։ Այսպիսով, ես կարծում եմ, որ երկրպագուները և, իհարկե, խաղացողները, հատկապես նրա նախկին թիմակիցները, ովքեր խաղում էին նրա հետ իմ ժամանակներում, երբեք չեն մոռանա, թե ինչ է արել Ռոնալդուն «Մանչեսթեր Յունայթեդի» համար։ Որովհետև իմ աչքում նա միշտ կմնա ակումբի լեգենդ, և, իհարկե, ափսոս, որ այս անգամ այն ավարտվեց։ Բայց ես չեմ կարծում, որ դա նսեմացնում է ակումբում ունեցած նրա ժառանգությունը»,- Ռունիի խոսքերն է մեջբերում CNN-ը։
Հիշեցնենք, որ Ռոնալդուն հեռացել է «Մանչեսթեր Յունայթեդից» 2022 թվականի նոյեմբերին։ Ավելի ուշ հարձակվողը պայմանագիր է կնքել Ալ-Նասրի հետ։
