Էմիլիանո Մարտինեսը Արգենտինայի ներկայիս հավաքականին պատմության մեջ լավագույնը չի համարում։
«Իմ կարծիքով՝ մենք պատմության մեջ լավագույնը չենք։
Հիշում եմ՝ Լեո Մեսսիին հարցրի, թե ինչով է այս թիմը տարբերվում 2014 թվականի թիմից։ Հիշում եմ 2006 թվականին 11 մետրանոցներով Գերմանիային պարտված ազգային հավաքականին։ Այնտեղ հիանալի խաղացողներ էին խաղում, շատ լավ ֆուտբոլ ցուցադրեցին։
Միակ տարբերությունն այն է, որ մեր բախտը բերել է հաղթելու հարցում։ Մենք բախտ ունեցանք հաղթելու Ամերիկայի գավաթը։ Այն համախմբեց բոլորին: Հետո մենք եզրափակիչ խաղացինք Ուեմբլիում 80 հազար արգենտինացիների հետ։ Հետո մեր բախտը բերեց, որ ամեն ինչ այդպես ստացվեց։ Աշխարհի առաջնությունում՝ նույնպես։ Մեր բախտը բերեց հաղթելու երկու 11 մետրանոց հարվածաշարում: Նման բան չէր եղել, որ մենք տիկի-տակա խաղայինք ու ամեն խաղում հաղթեինք 3:0 հաշվով։
Ի տարբերություն նախորդ թիմերի, մեզ բախտ է վիճակվել հաղթել: 2014 թվականին ազգային հավաքականը խաղաց աշխարհի առաջնության եզրափակչում, ու գնդակը չմտավ դարպասը։ Լեոն ինձ ասաց, որ ազգային հավաքականը նույնն է, և դա է միակ տարբերությունը:
Ոմանց համար մենք դարձել ենք Արգենտինայի պատմության լավագույն թիմը, բայց ոչ ինձ համար։ Բայց եթե այս հաջողությունը ևս մեկ անգամ կրկնենք, ապա կհամաձայնեմ։ Քանի դեռ չենք կրկնել դա, ինձ համար դժվար է համաձայնելը»,- «Աստոն Վիլլայի» և Արգենտինայի հավաքականի դարպասապահի խոսքերն է փոխանցում TyC Sports-ը։
