ԵՎՐՈ 2024-ի ընտրական փուլի վիճակահանության ընթացակարգը, բացառությունները և այլ մանրամասները

Ֆուտբոլի Եվրոպայի 2024 թվականի առաջնությունն անցկացվելու է Գերմանիայում։ Մրցաշարի ընտրական փուլի վիճակահանությունը կկայանա հոկտեմբերի 9-ին՝ Ֆրանկֆուրտում։

ՈՒԵՖԱ-ի մամուլի ծառայությունը մանրամասն ներկայացրել է մրցաշարի, վիճակահանության և փլեյ-օֆֆի ընթացակարգը։

Ե՞րբ կկայանա ՈՒԵՖԱ-ի ԵՎՐՈ 2024-ի ընտրական փուլի վիճակահանությունը

ՈՒԵՖԱ-ի ԵՎՐՈ 2024-ի ընտրական փուլի վիճակահանությունը կկայանա հոկտեմբերի 9-ին` Ֆրանկֆուրտի «Festhalle» կենտրոնում: Արարողությունը կմեկնարկի Երևանի ժամանակով 14։00-ին։ Այն կցուցադրվի Առաջին ալիքով։

Ինչպե՞ս կկայանա վիճակահանությունը

• Վիճակահանությանը կմասնակցի 53 ազգային ասոցիացիա:

• Գերմանիան, որպես ՈՒԵՖԱ ԵՎՐՈ 2024-ը հյուրընկալող երկիր,  եզրափակիչ փուլի ուղեգիր է նվաճել  և չի մասնակցի որակավորման փուլի վիճակահանությանը:

• Ռուսական բոլոր թիմերն ու հավաքականները ներկայումս դուրս են մնացել ՈՒԵՖԱ-ի մրցաշարերից՝ Գործադիր կոմիտեի 2022 թվականի փետրվարի 28-ի որոշման համաձայն: 2022 թվականի հուլիսի 15-ին այս որոշումը հաստատվել է Մարզական արբիտրաժային դատարանի կողմից։ Այսպիսով, Ռուսաստանը չի մասնակցի 2022-24 թվականների Եվրոպայի առաջնության որակավորման վիճակահանությանը։

• 53 ազգային ասոցիացիաները բաշխվել են 7 զամբյուղների՝ ըստ ՈՒԵՖԱ-ի Ազգերի լիգայի 2022/23 մրցաշրջանի ընդհանուր դասակարգման աղյուսակի։ Վիճակահանության ընթացքում հավաքականները կբաժանվեն 10 խմբի: 7 խումբ՝ 5-ական և 3 խումբ՝ 6-ական թիմերով։

Վիճակահանության ընդհանուր սկզբունքները մնացել են նույնը։ ՈւԵՖԱ ԵՎՐՈ 2024-ի վիճակահանության համար կկիրառվեն հետևյալ սահմանափակումները։

• Ազգերի լիգայի եզրափակիչ փուլի ուղեգիր նվաճած և 2023 թվականի հունիսին սպասվող խաղերի  ուղեգիր նվաճած 4 երկրները՝ Նիդերլանդներ, Խորվաթիա, Իսպանիա և Իտալիա, կխաղան 5 թիմից բաղկացած խմբերում:

• ՈՒԵՖԱ-ի Գործադիր կոմիտեի որոշմամբ այս զույգերը չեն կարող ընդգրկվել միևնույն խմբում և կբաժանվեն տարբեր խմբերի՝ Հայաստան/Ադրբեջան, Բելառուս/Ուկրաինա, Ջիբրալթար/Իսպանիա, Կոսովո/Բոսնիա և Հերցեգովինա, Կոսովո/Սերբիա:

• Խիստ ձմեռային պայմանների բարձր ռիսկով պայմանավորված հետևյալ հավաքականներից ոչ ավելի, քան երկու թիմ կարող է ընդգրկվել միևնույն խմբում՝ Բելառուս, Իսլանդիա, Լատվիա, Լիտվա, Նորվեգիա, Ֆարերյան կղզիներ, Ֆինլանդիա և Էստոնիա:

• Մի քանի երկրներ հեռու են գտնվում ընտրական փուլի մյուս մասնակիցներից: Հեռավոր թռիչքների թիվը նվազեցնելու համար այդ երկրներից առավելագույնը մեկը կլինի յուրաքանչյուր խմբում։

Զամբյուղները

Զամբյուղ 1

Նիդերլանդներ
Խորվաթիա
Իսպանիա
Իտալիա
Դանիա
Պորտուգալիա
Բելգիա
Հունգարիա
Շվեյցարիա
Լեհաստան

Զամբյուղ 2

Ֆրանսիա
Ավստրիա
Չեխիա
Անգլիա
Ուելս
Իսրայել
Բոսնիա և Հերցեգովինա
Սերբիա
Շոտլանդիա
Ֆինլանդիա

Զամբյուղ 3

Ուկրաինա
Իսլանդիա
Նորվեգիա
Սլովենիա
Իռլանդիա
Ալբանիա
Չեռնոգորիա
Ռումինիա
Շվեդիա
Հայաստան

Զամբյուղ 4

Վրաստան
Հունաստան
Թուրքիա
Ղազախստան
Լյուքսեմբուրգ
Ադրբեջան
Կոսովո
Բուլղարիա
Ֆարերյան կղզիներ
Հյուսիսային Մակեդոնիա

Զամբյուղ 5

Սլովակիա
Հյուսիսային Իռլանդիա
Կիպրոս
Բելառուս
Լիտվա
Ջիբրալթար
Էստոնիա
Լատվիա
Մոլդովա
Մալթա

Զամբյուղ 6

Անդորրա
Սան Մարինո
Լիխտենշտեյն

Վիճակահանության ընթացակարգը

Հաշվի առնելով, որ 2023 թվականի հունիսին կայանալու է Ազգերի լիգայի 2022-23 թթ․ եզրափակիչ փուլը, հետևյալ 4 հավաքականները (Նիդերլանդներ, Խորվաթիա, Իսպանիա և Իտալիա) կարող են ընտրական փուլի միայն 8 հանդիպումների մասնակցել, ուստի վիճակահանության ժամանակ կհայտնվեն 5 թիմից բաղկացած խմբերում։

• Վիճակահանությունը սկսվում է Ազգերի լիգայի զամբյուղի (վերոնշյալ 4 հավաքականների) և 1-ին զամբյուղի թիմերի խմբավորմամբ, որին հաջորդում են 2-ից 6-րդ զամբյուղների թիմերը: Անցումը հաջորդ զամբյուղին կատարվում է միայն այն դեպքում, երբ բաշխված են նախորդի բոլոր թիմերը։

• Որպես ընդհանուր կանոն, թիմերը դասակարգվելու են խմբերի` այբբենական կարգով` A խմբից մինչև J խումբ: Ազգերի լիգայի եզրափակիչ փուլի չորս մասնակիցները տեղ կզբաղեցնեն A, B, C և D խմբերում:

• 1-ին զամբյուղի թիմերը կտեղակայվեն E, F, G, H, I, J խմբերում:

• Երկրորդ զամբյուղից սկսած ազգային հավաքականները, եթե դա չի հակասում վիճակահանության պայմաններին, այբբենական կարգով բաշխվում են խմբերի։

• Քանի որ վեցերորդ զամբյուղում ընդամենը երեք թիմ կա, նրանք այբբենական կարգով դասավորվում են H, I և J խմբերում:

Ովքե՞ր են լինելու արարողության հյուրերը

Վիճակահանությունն անցկացնելուն կօգնեն չորս նախկին ֆուտբոլիստներ, որոնք տարբեր ժամանակներում խաղացել են ԵՎՐՈ-ի եզրափակիչներում՝ Յուրգեն Կլինսմանը, Կարլ-Հայնց Ռիդլը, Ջանլուկա Զամբրոտան և Դեմետրիո Ալբերտինին:

Ինչպե՞ս է անցկացվելու ընտրական փուլը

Ընդհանուր առմամբ լինելու է 10 խումբ, որից 7-ը 5 թիմով (A-G) և 3 խումբ՝ 6 թիմով (H-J): Յուրաքանչյուր խմբում թիմերը միմյանց հետ կխաղան շրջանաձև մրցակարգով տանը և դրսում: Հանդիպումները կանցկացվեն եվրոպական որակավորման խաղերի օրացույցով 2023 թվականի մարտից նոյեմբեր:

ԵՎՐՈ 2024-ի եզրափակիչ փուլին կմասնակցեն 24 հավաքականներ։ Գերմանիան, որպես մրցաշարը հյուրընկալող երկիր, արդեն ապահովել է իր տեղը եզրափակիչ փուլում։

20 հավաքական՝ որակավորման 10 խմբերի հաղթողները և երկրորդ տեղերը զբաղեցրած թիմերը կանցնեն եզրափակիչ փուլ: Վերջին երեք տեղերի հաղթողները կորոշվեն փլեյ-օֆֆում, որը կկայանա 2024 թվականի մարտին։

Ե՞րբ են կայանալու ՈՒԵՖԱ-ի ԵՎՐՈ-2024-ի ընտրական փուլի հանդիպումները։ 

Խաղերի գրաֆիկը՝
23-25.03.2023 Տուր 1
26-28.03.2023 Տուր 2
16-17.06.2023 Տուր 3
19-20.06.2023 Տուր 4
07-09.09.2023 Տուր 5
10-12.09.2023 Տուր 6
12-14.10.2023 Տուր 7
15-17.10.2023 Տուր 8
16-18.11.2023 Տուր 9
19-21.11.2023 Տուր 10

Փլեյ-օֆֆ
21.03.2024 կիսաեզրափակիչ
26.03.2024 եզրափակիչ

ԵՎՐՈ 2024-ը կանցկացվի 2024 թվականի հունիսի 14-ից մինչև հուլիսի 14-ը։
14.06.2024 բացման խաղ
14.07.2024 եզրափակիչ