Ծանրամարտի միջազգային ֆեդերացիայի / IWF / նորընտիր գործադիր խորհրդի առաջին նիստը տեղի է ունեցել Շվեյցարիայի Լոզանում: Քննարկման գլխավոր թեմաները վերաբերել են մարզաձևի օլիմպիական կարգավիճակին ու առաջիկա հարցերին: Այս մասին հայտնում է ՀԱՕԿ-ի պաշտոնական կայքը:
Մասնակիցները պարտավորվել են աջակցել ֆեդերացիայի նախաձեռնություններին և ապահովել թափանցիկություն:
Թեստավորման միջազգային գործակալությանը (ITA) հանձնարարվել է ուշադրություն դարձնել արտամրցութային թեստավորմանը:
Միջազգային աուդիտորական ընկերությանը առաջարկվել է վերանայել IWF-ի վերջին տասը տարիների ֆինանսական, կառավարչական և գործառնական գործունեությունը:
Անդրադարձ է եղել ընթացիկ և հաջորդ մրցաշրջանում սպասվող իրադարձություններին, մարզիկների և անդամ ֆեդերացիաների աջակցությանը, հովանավորչական և ծանրամարտի զարգացմանը նպաստող խնդիրներին:
Նիստում ընդունվել են մի շարք կարևոր որոշումներ:
IWF-ի նախագահ Մոհամմեդ Ջալուդը, գլխավոր քարտուղար Անտոնիո Ուրսոն և առաջին փոխնախագահ Ուրսուլա Պապանդրեան Լոզանում հանդիպել են ՄՕԿ –ի պաշտոնյաների հետ և ներկայացրել ֆեդերացիայի կառավարման հետագա ուղիները:
Հանդիպումը արդյունավետ է եղել, հատկապես դրանք միտվել են օլիմպիական ծանրամարտի դրական փոփոխություններին:
