«Լիվերպուլի» և Անգլիայի հավաքականի նախկին հարձակվող Պիտեր Կրաուչը բարձր է գնահատել «Մանչեսթեր Յունայթեդի» հարձակվող Կրիշտիանու Ռոնալդուի ազդեցությունը թիմի խաղի վրա 2021/22 մրցաշրջանում։
«Ռոնալդուն հետաքրքիր թեմա է խոսելու համար։ Նրա տրանսֆերը երկարաժամկետ ծրագրի համար չէր. այդ տեղափոխությունը կոչված է հարթելու իրավիճակը՝ հաշվի առնելով այն ամենը, ինչ տեղի ունեցավ ակումբում նախորդ մրցաշրջանում:
Ակնհայտ է, որ թիմում միշտ տեղ կա մեկի համար, ով մրցաշրջանում 20 գոլ է խփում։ Այո, դա հուսահատ քայլ էր որոշ երկրպագուների հանգստացնելու և ժամանակ ձգելու համար, բայց Ռոնալդուի տեսքով նրանք ստացան ակնթարթային հաջողության տոմս:
Այս տղան ֆենոմեն է, թեև առանց նրա շուրջ արդյունավետ համակարգի, նրա գոլերը փրկեցին «Յունայթեդին» հետագա նվաստացումներից, այլ ոչ թե թիմին ավելի լավը դարձրեցին»,- գրել է Կրաուչը Daily Mail-ի իր սյունակում:
