ՖԻՖԱ-ի նախագահ Ջանի Ինֆանտինոն խոսել է Ուկրաինայի շուրջ ստեղծված իրավիճակի մասին և հույս հայտնել, որ ԱԱ-2022-ի ընտրական փուլի փլեյ-օֆֆը կկայանա նախատեսվածի համաձայն։
Փետրվարի 24-ի վաղ առավոտյան ՌԴ նախագահ Վլադիմիր Պուտինը հայտարարեց Ուկրաինայում ռազմական գործողություն սկսելու մասին։
Դրանից հետո Լեհաստանի, Չեխիայի և Շվեդիայի ազգային ֆեդերացիաների մամուլի ծառայությունները հայտարարություններ են հրապարակել, որտեղ հայտարարել են Ռուսաստանի տարածքում ընտրական խաղերի անցկացման անթույլատրելիության մասին։
«Ինչպես բոլորը, մենք արթնացանք այս առավոտ և ցնցված էինք մեր տեսածով», — ասել է Ինֆանտինոն: «Այս թեման այսօր քննարկվել է ՖԻՖԱ-ի խորհրդում։ Մենք անհանգստացած ենք տեղի ունեցող իրադարձություններով և հույս ունենք, որ Ուկրաինայում խաղաղությունը կվերականգնվի երկխոսության միջոցով։ Առաջին փլեյ-օֆֆը կկայանա մեկ ամսից, հուսով ենք, որ այդ պահին իրավիճակն ամբողջովին կլուծվի»,- Ինֆանտինոյի խոսքերն է մեջբերում ՏԱՍՍ-ը:
