ՊՍԺ-ն աշխատում է հարձակվող Կիլիան Մբապեի հետ կարճաժամկետ պայմանագրի երկարաձգման վրա:
Ինչպես հայտնում է ESPN-ը, փարիզյան ակումբում աճում է վստահությունը, որ նրանք կկարողանան նոր պայմանագիր կնքել 23-ամյա հարձակվողի հետ։ Ֆրանսիացու գործող պայմանագիրն ավարտվում է այս ամառ, նա կարող է անվճար գնալ ցանկացած այլ ակումբ։
Սակայն ֆուտբոլիստի ընտանիքը ՊՍԺ-ի ղեկավարության հետ քննարկում է պայմանագրի հնարավոր կարճաժամկետ երկարաձգումը։ Կողմերի վերջին բանակցությունները հաջող են անցել։ Այժմ, ավելի քան երբևէ, Մբապեն պատրաստ է մրցաշրջանի ավարտից հետո մնալ փարիզյան թիմում։
Միևնույն ժամանակ, Մադրիդի «Ռեալը» իր հերթին վստահ է, որ ամռանը կկարողանա ձեռք բերել հարձակվողին, երբ նա դառնա ազատ գործակալ:
