Այսօր՝ ապրիլի 8-ին, Vbet ՀՊԼ 19-րդ տուրի շրջանակում կայացավ «Արարատ-Արմենիա»-«Վան» հանդիպումը։
Առաջին խաղակեսից հետո հաշիվը 1-1 էր։ Նախ հանդիպման մեկնարկային րոպեներին հյուրերը կարողացան հաշվի մեջ առաջ անցնել Աջումանիի գոլի շնորհիվ։ Տանտերերը կարողացան հավասարեցնել հաշիվը հանդիպման 34-րդ րոպեին՝ Ալեքսանդր Կարապետյանի գեղեցիկ գոլի շնորհիվ։
Երկրորդ խաղակեսի հենց սկզբում «Վանի» ֆուտբոլիստները կարողացան կրկին առաջ անցնել հաշվի մեջ։ Էսիենի փոխանցումից հետո գլխի հարվածով մրցակցի դարպասը գրավեց Տենյաևը։ Այդ գոլը միակը չէր երկրորդ խաղակեսում․ հանդիպման վերջին րոպեներին Էդգար Մովսեսյանը խփեց իր թիմի երրորդ գնդակը։
Եվ դա էլ դեռ վերջը չէր․ հանդիպման ավելացրած 4-րդ րոպեին Օտուբանջոն կրճատեց հաշվի տարբերությունը, սակայն գործող չեմպիոններն ավելին անել չկարողացան։
Հանդիպման վերջնական հաշիվը՝ 2։3, և «Վանը» Չարենցավան է կվերադառնում 3 միավորով։
Այս խաղից հետո 25 միավորով «Արարատ-Արմենիան» զբաղեցնում է մրցաշարային աղյուսակի 3-րդ հորիզոնականը, «Վանը» 18 միավորով 7-րդն է։