«Ինտերի» գլխավոր մարզիչ Անտոնիո Կոնտեն մեկնաբանել է Դորտմունդի «Բորուսիայի» դեմ Չեմպիոնների լիգայի արտագնա խաղում կրած պարտությունը (2:3): Ընդմիջումից հետո նրա սաները հաղթում էին 2։0 հաշվով։
«Բարսելոնայում էլ նույնն էր։ Ոչ, նույնը չէր, այսօր ամեն ինչ ավելի վատ էր, չէ որ մենք երկու գնդակի առավելությամբ էինք հաղթում, ոչ թե մեկ։ Ինձ ասում են ավելի շատ ժպտալ և խոսել առաջընթացի մասին, ուստի ավելի լավ է հարցնել ինձ այդ մասին:
Չեմ ուզում նույնիսկ մեկնաբանել երկրորդ խաղակեսը։ Հուսով եմ, որ այս խաղը կբացահայտի իրավիճակը նրանց համար, ովքեր դրա կարիքն ունեն։
Իմ տղաները սլանում էին 100 կմ/ժ արագությամբ, շնորհակալություն նրանց դրա համար: Ավելին նրանք չկարողացան անել։
Ինձ առանձնապես չի հետաքրքրում, թե ինչ կլինի հունվարին կամ փետրվարին։ Մենք պետք է պլանավորենք մրցաշրջանը շատ ավելի լավ, քան հիմա: Այժմ մենք ունենք մի շարք խաղացողներ, որոնք խաղում են գրեթե առանց ընդմիջման։ Կարծում եմ ՝ այսօրվա երկրորդ խաղակեսից կարելի է միանշանակ եզրակացություններ անել։
«Սասուոլոյի» հետ խաղում նույնն էր, միայն այնտեղ հաղթում էինք 4-1 և ավարտեցինք թեկուզ 4-3 հաշվով, բայց հաղթանակով: Խաղացողներն իսկապես արդարացում ունեն, նրանք խաղում են գերլարված գրաֆիկով:
Ես պարզապես կատաղության մեջ եմ, չէ որ մենք հասել ենք այդ սահմանագծին։ Մենք չենք կարող ոչինչ ավելի անել: Այս ամենն ինձ հունից հանում է՝ հույս ունեմ, որ ֆուտբոլիստներին էլ։ Թող տնօրենը դուրս գա հենց հիմա և իմ փոխարեն ինչ-որ բան ասի», — Կոնտեի խոսքը մեջբերում է Football Italia-ն ։
