«Ռեալի» կիսապաշտպան Լուկա Մոդրիչը խոսել է թիմի պաշտպան Սերխիո Ռամոսի և հարձակվող Կարիմ Բենզեմայի հետ համատեղ աշխատանքի մասին.
«Իմ եղբայր Սերխիոն ֆենոմեն է: Եվ ես սա չեմ ասում, որովհետև 8 տարվա ընթացքում մենք իսկապես առանձնահատուկ հարաբերություններ ենք կառուցել, զվարճանում ենք ամբողջ ընտանիքով, միասին մեկնում ենք հանգստի, կամ էլ որովհետև միասին ֆանտաստիկ ֆուտբոլային փորձ ու հաջողություններ ենք ունեցել: Հիմա բոլորը վերջապես գիտակցեցին այն, ինչ մենք՝ ֆուտբոլիստներս, վաղուց գիտեինք:
Բենզեման լավագույն հարձակվողն է, որի հետ շատ հաճելի է խաղալը: Խաղը հասկանալու նրա կարողությունը, շարժումները, որոնք խախտում են մրցակցի պաշտպանության հավասարակշռությունը, ինչ-որ յուրահատուկ բան է: Բենզեման միշտ հիանալի աշխատանք է կատարել թիմի համար, և ես պարզապես ուրախ եմ, որ հիմա նա համընդհանուր գովասանքի է արժանանում այն մարդկանց կողմից, ովքեր ընդունում են իր կարգը»,- Մոդրիչի խոսքերն է փոխանցում Goal-ը:
Իսպանիայի ավարտված առաջնության մրցաշարային աղյուսակում «Ռեալը» 5 միավորով գերազանցեց «Բարսելոնային»: Մադրիդցիները Պրիմերայի չեմպիոնությունն ապահովեցին առաջնության ավարտից մեկ տուր առաջ՝ սեփական հարկի տակ հաղթելով «Վիլյառեալին» (2-1):
