«Էվերթոնի» գլխավոր մարզիչ Կառլո Անչելոտին պատմել է ակումբի տրանսֆերային նպատակների մասին։
«Ակումբի ղեկավարությունն ինձ հավաստիացրել է, որ կուժեղացնենք կազմը։ Նոր խաղացողներ գնելու համար կվաճառե՞նք հներին։ Ո՛չ։
Մեզ լավ ֆուտբոլիստներ են պետք ու խաղացողները, որոնց հետ պայմանագիր կկնքենք, լավը կլինեն։ Նշանակություն չունի, երիտասարդ են նրանք, թե տարիքով, փորձառու, թե անփորձ։ Կարևոր է միայն այն, որ նրանք լավ ֆուտբոլիստներ լինեն։ Անունները, որ հնչում են մամուլում նույնն են, ինչ նրանք, երբ հնչում էին իմ՝ «Նապոլիում» եղած ժամանակ։
Խամես Ռոդրիգե՞սը։ Նա ինձ շատ է դուր գալիս որպես խաղացող։ Երբ հեռացա «Ռեալից», Խամեսն ինձ հետևեց «Բավարիայում»։ Ասում էին, թե կհետևի ինձ «Նապոլիում», իսկ հիմա, ըստ շշուկների, նա տեղափոխվելու է «Էվերթոն»։ Անկեղծ կասեմ, նա ինձ շատ է դուր գալիս։ Բայց նա «Ռեալի» խաղացող է, ու, կարծում եմ, այնտեղ էլ կմնա»,- Անչելոտիի խոսքերն է փոխանցում The Guardian-ը։
