Անգլիական Պրեմիեր լիգայի 31-րդ տուրի շրջանակում Ժոզե Մոուրինյոյի «Տոտենհեմն» ընդունել էր «Վեսթ Հեմին»: Առաջին խաղակեսն ավարտվեց գոլազուրկ ոչ-ոքի: Մոուրինյոյի թիմն ուներ մի քանի հնարավորություն, մեկ դեպքում նույնիսկ գրավեց մրցակցի դարպասը, սակայն VAR համակարգը չեղարկեց Սոնի գոլը:
64-րդ րոպեին անկյունայինից կատարած փոխանցումը պատահմամբ սեփական դարպասն ուղարկեց Թոմաշ Սուչեկը: 82-րդ րոպեին Քեյնը երկրորդ գնդակն ուղարկեց Ֆաբիանսկու պաշտպանած դարպասն ու դրեց խաղի վերջակետը՝ 2-0:
Այս հաղթանակից հետո «Տոտենհեմը» 45 միավորով 7-րդ տեղում է: 5-րդ տեղում գտնվող «Յունայթեդից» Մոուրինյոյի թիմը մեկ միավորով է հետ մնում, սակայն Սուլշերի տղաները տուրի իրենց հանդիպումը դեռ չեն անցկացրել: «Վեսթ Հեմը» 27 միավորով հանգրվանել է վտանգավոր գոտու հարևանությամբ: 27 միավոր ունի նաև 18-րդ տեղում գտնվող «Բոուրնմուտը»:
