Պորտուգալիայի առաջնության 27-րդ տուրի խաղում «Բենֆիկան» արտագնա հաղթանակ տարավ «Ռիո Ավեի» նկատմամբ: Հանդիպումն ավարտվեց 1-2 հաշվով:
Հաշիվը բացվեց առաջին խաղակեսում, գոլի հեղինակ դարձավ տանտերերի հարձակվող Մեհդի Տարեմին: Հյուրերը կարողացան հավասարեցնել հաշիվը միայն երկրորդ խաղակեսում՝ Հարիս Սեֆերովիչի ջանքերի շնորհիվ: 87-րդ րոպեին հաղթական գոլի հեղինակ դարձավ «Բենֆիկայի» կիսապաշտպան Յուլիան Վայգլը:
Այս հաղթանակը թույլ տվեց «Բենֆիկային» վերադառնալ Պորտուգալիայի առաջնության մրցաշարային աղյուսակի առաջին տեղ՝ հավասարվելով միավորներով «Պորտուին»: Երկու թիմերն էլ ունեն 64 միավոր, բայց «արծիվները» լրացուցիչ ցուցանիշներով առաջ են անցնում «վիշապներից»: «Ռիո Ավեն» 41 միավորով 6-րդն է։
