«Մանչեսթեր Սիթիի» կիսապաշտպան Դավիդ Սիլվան կարող է տեղափոխվել Քաթարի առաջնություն: 34-ամյա իսպանացուն հավակնում է «Ալ Դուհաիլ» ակումբը, հայտնում է Diario Sport-ը:
Սիլվայի գործող պայմանագիրը «քաղաքաբնակների» հետ ուժի մեջ է մինչև 2020 թվականի հուլիսը: Դավիթը նախկինում հաստատել էր, որ մրցաշրջանի ավարտին հեռանալու է «Սիթիից»:
2010-ին Սիլվան տեղափոխվեց «Մանչեսթեր Սիթի» «Վալենսիայից»: 10 տարվա ընթացքում նա անգլիական ակումբում անցկացրել է 424 հանդիպում, խփել է 74 գոլ և կատարել 137 գոլային փոխանցում:
«Ալ Դուհաիլ» ակումբում հանդես են գալիս «Յուվենտուսի» նախկին ֆուտբոլիստներ Մարի Մանջուկիչը և Մեդի Բենատիան։
