Աշխարհի 2026 թվականի առաջնության D խմբի երկրորդ տուրում Պարագվայի հավաքականը նվազագույն՝ 1-0 հաշվով հաղթել է Թուրքիայի ընտրանուն:
Այս հանդիպման առաջին խաղակեսի ավելացված ժամանակում աննախադեպ միջադեպ է գրանցվել. պարագվայցիների խաղացող Միգել Ալմիրոնը հեռացվել է խաղադաշտից բերանը ձեռքով փակելով խոսելու համար:
Սա աշխարհի առաջնությունների պատմության մեջ առաջին դեպքն է, երբ ֆուտբոլիստը կարմիր քարտ է ստանում նման արարքի պատճառով։ Ալմիրոնը ձեռքով փակել է բերանը և ինչ-որ բան ասել, ինչից անմիջապես հետո հանդիպումը սպասարկող սալվադորցի գլխավոր մրցավար Իվան Բարտոնը նրան ցույց է տվել կարմիր քարտ։
Նշենք, որ 32-ամյա հարձակվողը Պարագվայի ազգային հավաքականի կազմում անցկացրել է 78 հանդիպում և դարձել 10 գոլի հեղինակ։ Ներկայումս նա հանդես է գալիս ամերիկյան «Ատլանտայում», իսկ նրա տրանսֆերային արժեքը գնահատվում է 7 միլիոն եվրո։ Նախկինում՝ 2019-2025 թվականներին, Ալմիրոնը Եվրոպայում պաշտպանել է անգլիական «Նյուքասլի» գույները։
WTF is happening in this World Cup, Almiron was sent off for covering his mouth 🤯! #Paraguay #TURPAR pic.twitter.com/BMVvmqG3JV
— The Final Whistle (@Rufus_45) June 20, 2026
