Ըստ Sky Sports-ի հաղորդման՝ «Բարսելոնայի» և «Մանչեսթեր Սիթիի» նախկին ֆուտբոլիստ Յայա Տուրեն համաձայնության է եկել Բրատիսլավայի «Սլովանի» հետ և առաջիկայում կնշանակվի թիմի գլխավոր մարզիչ։
Սա կլինի կոտդիվուարցի մասնագետի առաջին փորձը գլխավոր մարզչի պաշտոնում։ Ակնկալվում է, որ նրա օգնականը կդառնա Դարեն Օ’Դին, ով նախկինում աշխատել է շոտլանդական «Սելթիկում» և ուելսական «Սուոնսի Սիթիում»։
Հիշեցնենք, որ նախկինում Տուրեն մարզչական փորձ է կուտակել՝ աշխատելով Լոնդոնի «Տոտենհեմի» ակադեմիայում, ինչպես նաև որպես գլխավոր մարզչի օգնական ընդգրկված է եղել բելգիական «Ստանդարդի» և Սաուդյան Արաբիայի ազգային հավաքականի մարզչական շտաբներում։
«Սլովանի» կազմում հանդես է գալիս Տիգրան Բարսեղյանը:
Հավելենք, որ 2025/2026թթ․ մրցաշրջանի արդյունքներով «Սլովանը» հռչակվել է Սլովակիայի չեմպիոն։ Բրատիսլավան ներկայացնող ակումբը երկրի 27-ակի չեմպիոն է (ներառյալ Չեխոսլովակիայի ժամանակաշրջանում նվաճած տիտղոսները)։
