Թուրինի «Յուվենտուսի» պաշտպան Գլեյսոն Բրեմերը դարձել է «Բարսելոնայի» պաշտպանական գիծն ուժեղացնելու գլխավոր թեկնածուներից մեկը։
Ինչպես հաղորդում է Fichajes-ը, կատալոնական ակումբը Լա lիգայի նոր մրցաշրջանի մեկնարկից առաջ պաշտպանության ամրապնդման տարբերակներ է փնտրում, և թուրինյան ակումբի կենտրոնական պաշտպանը դիտարկվում է որպես գլխավոր մարզիչ Հանսի Ֆլիկի խաղային համակարգին առավել համապատասխանող ֆուտբոլիստներից մեկը։
Բրեմերի նկատմամբ հետաքրքրությունն առկա է ոչ միայն ակումբի ղեկավարության մոտ, այլև թիմի ներսում։ Նրա թեկնածությանն աջակցում է նաև Ռաֆինյան, որը լավ ծանոթ է ֆուտբոլիստին Բրազիլիայի ազգային հավաքականից։ Ըստ աղբյուրի՝ Բրեմերի ֆիզիկական տվյալները, արագությունը և մենապայքարներում հուսալիությունը իդեալականորեն համապատասխանում են «Բարսելոնայի» պահանջներին։
«Յուվենտուսը» մտադիր չէ հեշտությամբ հրաժեշտ տալ իր առանցքային պաշտպաններից մեկին, սակայն պատրաստ է դիտարկել մոտ 60 միլիոն եվրոյի հասնող առաջարկներ: Ընդ որում, բրազիլացու ծառայություններով հետաքրքրված են նաև եվրոպական այլ ակումբներ, ինչը բարդացնում է հնարավոր տրանսֆերի իրականացումը։
«Բարսելոնայում» վստահ են, որ Բրեմերը, բարձր մակարդակում ունեցած իր փորձի և պաշտպանության բարձր գծով խաղալու ունակության շնորհիվ, կարող է դառնալ թիմի ետնագծի առաջատարը: Այնուամենայնիվ, տրանսֆերի իրականացումը մեծապես կախված կլինի կատալոնական ակումբի ֆինանսական հնարավորություններից և «Յուվենտուսի» հետ բանակցությունների ելքից:
