Մադրիդի «Ռեալի» բրազիլացի հարձակվող Վինիսիուս Ժունիորի խաղային խնդիրներն արդեն արտացոլվում են ոչ միայն գոլերի և արդյունավետ փոխանցումների վիճակագրության տեսքով։
Բրազիլացին «սերուցքայինների» կազմում անցկացրած վերջին երկու հանդիպումներում, ներառյալ չորեքշաբթի կայացած Չեմպիոնների լիգայի խաղարկության լիգայի փուլի՝ գերմանական «Լայպցիգի» դեմ խաղը, դրիբլինգի ոչ մի փորձ չի կատարել։
Opta-ի վիճակագրական տվյալներով՝ սա առաջին դեպքն է, երբ մեկնարկային կազմում խաղադաշտ դուրս գալով՝ Վինիսիուսը նույնիսկ չի փորձել շրջանցել մրցակիցներին «Ռեալի» երկու անընդմեջ հանդիպումներում։
Հիշեցնենք, որ Ժոզե Մոուրինյուի գլխավորած թիմը 4-1 հաշվով խոշոր հաղթանակ էր տարել գերմանական ակումբի նկատմամբ։ Բրազիլացին խաղացել է մինչև 70-րդ րոպեն, ինչից հետո նրան փոխարինել է Յան Դիոմանդեն։ Վերջինս էլ իր հերթին դարձել է գոլի և գոլային փոխանցման հեղինակ՝ աչքի ընկնելով նախկին թիմի դեմ խաղում։
