Աթլետիկայի ֆեդերացիաների միջազգային ասոցիացիան (World Athletics) իր պաշտոնական կայքում հայտարարել է 500 հազար ԱՄՆ դոլարի չափով միջազգային հիմնադրամի ստեղծման ամսին՝ կորոնավիրուսի պանդեմիայի և դրա արդյունքում առաջացած ֆինանսական ճգնաժամի պայմաններում մարզիկներին աջակցելու համար:
Երկու տարվա ընթացքում հիմնադրամը օգնություն կցուցաբերի այն մարզիկներին, ովքեր կորցրել են իրենց եկամուտների զգալի մասը միջազգային մրցումները դադարեցնելու պատճառով, ասել է World Athletics-ի ղեկավար Սեբաստիան Քոուն: Գումարը հատկացրել է Մոնակոյի արքայազն Ալբերտ Երկրորդը, ով նաև հիմնադրամի պատվավոր նախագահն է: Գումար ստանալու համար մարզիկին անհրաժեշտ է ներկայացնել համապատասխան հայտ`փորձագիտական միջտարածաշրջանային խմբի կողմից քննարկման համար:
«Հուսով ենք, որ կարող ենք անցկացնել գոնե որոշ մարզական մրցա՛արերի մեկնարկներ մինչև այս տարվա ավարտը, բայց մենք կփորձենք հնարավորինս շատ մարզիկների օգնել», — ասել է Քոուն:
Ավելի վաղ՝ Աթլետիկայի Եվրոպայի ֆեդերացիան հայտարարել էր Եվրոպայի առաջնությունը չեղյալ հայտարարելու մասին՝ կորոնավիրուսի պանդեմիայի պատճառով: Մրցումները պետք է անցկացվեին օգոստոսի 26-ից 30-ը Փարիզում՝ «Շարլետի» մարզադաշտում: Մրցաշարի նոր ամսաթվերը հնարավոր չէ եղել որոշել: Եվրոպայի առաջնությունը չեղյալ հայտարարելու որոշումը կայացվել է կազմկոմիտեի արտահերթ նիստում: Իսկ մինչ այդ չեղարկվել էր նաև Աշխարհի առաջնությունը։
Մարտին Միջազգային օլիմպիական կոմիտեն (ՄՕԿ) հայտարարեց COVID-19- ի տարածման պատճառով Տոկիոյում ամառային խաղերի կազմակերպման անհնարինության մասին: Արդյունքում, ՄՕԿ-ը հաստատեց նոր մեկնարկի ամսաթվերը. ՕԽ-ն անցկացվելու են 2021 թվականի հուլիսի 23-ից օգոստոսի 8-ը:
