Բրազիլիայի Մինաս Ժերայս նահանգի առաջնության եզրափակիչն ավարտվել է աննախադեպ սկանդալով։ Չեմպիոնի տիտղոսի համար պայքարում միմյանց էին բախվել «Կրուզեյրոն» և «Ատլետիկո Մինեյրոն», սակայն խաղադաշտում ծավալված սպորտային պայքարը վերածվել է իսկական քաոսի։
Հանդիպման երկրորդ խաղակեսի վերջին վայրկյաններին ֆուտբոլիստների միջև բռնկված քաշքշուկը չի հանդարտվել նաև գլխավոր մրցավարի եզրափակիչ սուլիչից հետո՝ վերաճելով զանգվածային ծեծկռտուքի:
Անկարգությունների արդյունքում գրանցվել է հեռացումների ռեկորդային ցուցանիշ. երկու թիմերից ընդհանուր առմամբ 23 ֆուտբոլիստ պատժվել է կարմիր քարտով: Ծեծկռտուքին ակտիվ մասնակցություն են ունեցել և հեռացվածների թվում են հայտնվել նաև ճանաչված ֆուտբոլիստներ Հալկը, Մատեո Կասիերան և Ժերսոնը։
Նշենք, որ այս լարված և սկանդալային խաղում «Կրուզեյրոն» կարողացել է պահպանել հաղթական հաշիվը՝ առավելության հասնելով նվազագույն 1-0 հաշվով։ Չնայած խաղադաշտում տիրող իրարանցմանը, հանդիպման ավարտից հետո չեմպիոնական գավաթի հանձնման հանդիսավոր արարողությունն անցել է բնականոն հունով:
In the Brazil league today in the derby of Cruzeiro vs Atlético Mineiro punches were thrown at each other
Hulk was also involved in one such incident.
Crazy how none of them got a red card 🟥🟥
— Panty (@CfcPanty) March 9, 2026
