«Բարսելոնայի» նախագահ Ժոան Լապորտան կարծում է, որ թիմի երիտասարդ իսպանացի կիսապաշտպան Մարկ Բեռնալին պայծառ ապագա է սպասվում։
Մրցաշրջանի սկզբում 18-ամյա ֆուտբոլիստը վերականգնվել էր խաչաձև կապանների վնասվածքից, որը նրան մեկ տարուց ավելի զրկել էր խաղալու հնարավորությունից։
Լա լիգայի 14-րդ տուրի «Ալավեսի» դեմ խաղում (3-1) երիտասարդ կիսապաշտպանը 15 ամսից ավելի ընդմիջումից հետո առաջին անգամ խաղաց մեկնարկային կազմում։ Սեպտեմբերի վերջին Բեռնալը երկարաձգեց իր պայմանագիրը «Բլաուգրանա»-ի հետ մինչև 2029 թվականը։
Ըստ Sport-ի՝ գործարքի ավարտից հետո Լապորտան խաղացողի հետ կիսվել է իր համարձակ ծրագրերով․ «Եթե ամեն ինչ ընթանա այնպես, ինչպես մենք ենք ուզում, մի օր դու կդառնաս «Բարսելոնայի» ավագը»,— ասել է Լապորտան Բեռնալին։
Բեռնալը կատալոնական ակումբի առաջին թիմի կազմում անցկացրել է 10 խաղ՝ կատարելով 1 գոլային փոխանցում։
