UFC-ի թեթև քաշային կարգի դասակարգման առաջին համար Արման Ծառուկյանը կրկին անդրադարձել է նույն քաշային կարգի գործող չեմպիոն Իլիա Թոփուրիայի սադրիչ գրառմանը, որում վերջինս նշել էր, թե իբր ապտակել է հայ մարտիկին։
«Իլիան ստախոս է։ Նա մոտեցավ ինձ, գրկեց ինձ, իսկ հիմա պնդում է, որ հարվածել է։ Եթե նա ինձ հարվածեր, կարծում եք՝ կծիծաղեի՞։ Ես նրան տեղում կսպանեի։ Եթե քեզ հարվածեն և ոչինչ չանես, դու տղամարդ չես, դու անպետք ես։ Դա կնշանակի, որ ոչնչի պիտանի չես այս կյանքում։ Ես չեմ ուզում խոսել այս շնիկի մասին։ Նա կեղծավոր է։ Իրական կյանքում դու “լավ տղայի” պես ես վարվում, բայց առցանց սկսում ես անհեթեթություններ ասել։ Ես այնքան կեղծ չեմ, որքան դու», — ասել է Ծառուկյանը The Ariel Helwani Show YouTube ալիքի ուղիղ եթերում։
Հիշեցնենք, որ նոյեմբերի 22-ին Ծառուկյանը Դոհայում կայացած UFC Fight Night 255 մրցաշարի գլխավոր մենամարտում նորզելանդացի Դեն Հուկերին հաղթելուց հետո հենց օկտագոնից մարտահրավեր նետեց գործող չեմպիոնին։
