«Լիվերպուլի» լեգենդ Ռոբի Ֆոուլերը պատմել է ֆուտբոլիստի կարիերան ավարտելուց հետո հայրենիքում՝ Անգլիայում, աշխատանք գտնելու հետ կապված խնդիրներ ունենալու մասին.
«Աշխատանքի 4 դիմում եմ ներկայացրել երրորդ դիվիզիոնի ակումբներում, բայց ինձ նույնիսկ հարցազրույցի չկանչեցին: Ի պատասխան միայն «շնորհակալություն» բառն էի ստանում: Երբեմն նույնիսկ դա չէր լինում»,- Ֆոուլերի խոսքերն է փոխանցում Daily Mail-ը:
Ֆոուլերը «Լիվերպուլի» սան է, որի գույները պաշտպանել է 1992-ից 2001 և 2006-ից 2007 թվականներին: Հանդիսանում է ակումբի պատմության և անգլիական Պրեմիեր-լիգայի լավագույն ռմբարկուներից մեկը: 1996-ից 2002 թվականներին հրավիրվել է հավաքական:
Այս պահին Ռոբին ավստրալական «Բրիսբեն Ռոար» ակումբի գլխավոր մարզիչն է, որի ղեկը ստանձնել է անցած տարվա ապրիլին:
