«Կրասնոդարի» նախկին խաղացող Մաքսիմ Դեմենկոն կարծում է, որ ֆրանսիական «Օսերից» Գաեթան Պերենի՝ Կուբանի թիմ տեղափոխելը կարող է կապված լինել «ցուլերի» առաջատարներից մեկի՝ Էդուարդ Սպերցյանի սպասվող վաճառքի հետ։ Դեմենկոն այս մասին ասել է «РБ Спорт»-ի թղթակցի հետ զրույցում:
29-ամյա Պերենը նոր թիմի կազմում իր նորամուտն է նշել Ռուսաստանի գավաթի խաղարկությունում՝ «Կռիլյա Սովետովի» դեմ հանդիպմանը, որտեղ «Կրասնոդարը» պարտվեց 1:2 հաշվով։ Սա թիմի չորրորդ խաղում արդեն երրորդ պարտությունն էր։
— Պերենից «Կրասնոդարի» կազմում հերոսություններ ակնկալել պետք չէ, — ասում է Դեմենկոն։ — Ի վերջո, նա տեղափոխվել է ֆրանսիական առաջնությունից, և հարմարվելու շրջան է պետք՝ այդ թվում նաև կենցաղային։ Շատերն ասում են, որ ՌՊԼ-ը բարդ առաջնություն է։ Նորեկի խաղը կախված է նրա մարզավիճակից, որակից, պրոֆեսիոնալիզմից։ Ոմանց աշխատավարձը կրկնապատկում են, սկզբում այդպիսի խաղացողները «փայլում» են, հետո կորում։ Այստեղ եկել է մեկը թոփ-5 առաջնություններից։ Հավանաբար ֆինանսական գործոնը դեր է խաղացել։ Եվրոպայից Ռուսաստան եկող խաղացողն այսօր հազվադեպություն է։ Ուշագրավ է, որ ոմանց հրավիրում են Սաուդյան Արաբիա, իսկ նա որոշել է Ռուսաստանում խաղալ։ Կամ կան ֆուտբոլիստներ, որոնք սիրում են աշխարհը ճանաչել, ճամփորդել, փորձ կուտակել։
— Պերենի տրանսֆե՞րը Սպերցյանին փոխարինելու համար է։ Արդյոք Սպերցյանի ժամանակը չէ՞ արտասահման մեկնելու։
— Միգուցե այնտեղ կոնկրետ բանակցություններ են ընթանում, մենք չգիտենք։ Իսկ եթե այդ մակարդակի խաղացող՝ ինչպես Սպերցյանն է, հեռանում է, տրամաբանական է նրա փոխարեն լավ փոխանցում տվող, ստեղծագործ ֆուտբոլիստ հրավիրել։
— «Կրասնոդարը» ավելի ու ավելի շատ է ապավինում լեգեոնականներին։ Չէ՞ որ ակադեմիայում այլևս տաղանդավոր տղաներ չկան։
— Կան, պարզապես ոչ ոք չի ուզում նրանց անմիջապես դաշտ դուրս բերել։ Բայց դա պետք է անել։ Եթե ժամանակին վստահություն չցուցաբերեին Սպերցյանին ու Սաֆոնովին, այսօր ով նրանց կիմանար։ Եթե «Կրասնոդարը» պայքարեր տասներորդ տեղի համար, երիտասարդներին ավելի շատ հնարավորություն կտային։ Բայց թիմը հիմա հավակնում է չեմպիոնությանը, վերջերս էլ հաղթեց այն։ Տեղացիներին կազմ մտնելն ավելի դժվար է։ Չնայած չեմ հասկանում՝ եթե չես վստահում քոններին, ինչպե՞ս կարող ես զարգացնել ազգային ֆուտբոլը։ Վերցնենք «Սպարտակը». ինչքան գումար ծախսեցին, ինչքան տրանսֆեր արեցին, բայց չեմպիոն չեն դառնում։ Իսկ երբ իրենց սաները կային, «Սպարտակը» դարձավ չեմպիոն (2017 թվականին. — «РБ Спорт»-ի խմբագրություն):
