«Բարսելոնան» ընկերական խաղում 3:1 հաշվով հաղթանակ տարավ ճապոնական «Վիսսել Կոբեի» նկատմամբ:
Հանդիպումը տեղի ունեցավ Ճապոնիայում: 34-րդ րոպեին «Բարսելոնայի» պաշտպան Էրիկ Գարսիան բացեց խաղի հաշիվը: Առաջին խաղակեսի վերջում «Վիսել Կոբեի» հարձակվող Տաիսեյ Միասիրոն հավասարեցրեց հաշիվը: Սակայն 77-րդ րոպեին կատալոնական ակումբի հարձակվող Ռունի Բարջին վերականգնեց «Բարսելոնայի» առավելությունը: Հանդիպման վերջնամասում կիսապաշտպան Պեդրո Ֆերնանդեսը խփեց երրորդ գոլը՝ ձևակերպելով վերջնական հաշիվը:
Հանդիպմանը մասնակցեց նաև անգլիացի հարձակվող Մարկուս Ռեշֆորդը, ով վերջերս վարձակալությամբ միացել է «Բարսելոնային» «Մանչեսթեր Յունայթեդից»:
Սա «Վիսել Կոբեի» և «Բարսելոնայի» հերթական ընկերական հանդիպումն էր: Նախկինում նրանք խաղացել էին 2023 թվականին, երբ «Բարսելոնան» հաղթել էր 2:0 հաշվով: Դրանից առաջ՝ 2019-ին, կատալոնացիները նույնպես հաղթել էին 2:0:
Ներկայում «Բարսելոնան» Իսպանիայի գործող չեմպիոնն է, իսկ «Վիսսել Կոբեն» Ճապոնիայի չեմպիոն է դարձել 2023 և 2024 թվականներին:
Նախամրցաշրջանային պատրաստության շրջանակում «Բարսելոնան» կիրակի օրը անցկացրեց հերթական խաղը Ճապոնիայի չեմպիոնի դեմ: Հաջորդ ընկերական հանդիպումը կատալոնական ակումբը կանցկացնի հուլիսի 31-ին՝ Հարավային Կորեայում «Սեուլի» դեմ:
Հանս Ֆլիկի գլխավորած թիմը Լա Լիգայի նոր մրցաշրջանի առաջին պաշտոնական խաղը կանցկացնի օգոստոսի 16-ին՝ արտագնա խաղում մրցելով «Մալյորկայի» հետ:
