Մադրիդի «Ռեալի» հարձակվող Կարիմ Բենզեման հարցազրույց է տվել «Լիոնի» ակումբային հեռուստաընկերությանը ու ասել, որ հնարավոր է կարիերան ավարտի ֆրանսիական ակումբում.
«Շնորհիվ «Լիոնի», ես կամ այն, ինչ կամ: Ինչ վերաբերում է «Լիոն» վերադարձին, ապա հիմա ամենահարմար պահը չէ: Ես ցանկանում եմ աշխարհի լավագույն ակումբում՝ «Ռեալում», շարունակել պատմություն կերտել:
Ո՞վ գիտի, թե ինչ կլինի հետո: Կարիերան «Լիոնու՞մ» ավարտել, ինչու՞ ոչ»,-ասել է Բենզեման:
Բենզեման «Ռեալ» է տեղափոխվել «Լիոնից»՝ 2009 թ-ին: Այս ընթացքում արքայական ակումբում ռմբարկուն դարձել է 241 գոլի հեղինակ:
