«Մոնակոյի» հարձակվող Բալդե Կեյտան կիսվել է «Լիվերպուլի» հարձակվող Սադիո Մանեի մասին իր կարծիքով.
«Մանեն հիանալի տղա է: Նա արժանի է ամենալավին: Նա համեստ է, և ոչնչի հեշտությամբ չի հասել: Նա արժանի է լինել այնտեղ, որտեղ հիմա է: Ես նրա հետ ֆուտբոլի մասին չեմ խոսում, դա ճիշտ է: Գիտեմ, որ նրան, իրոք, դուր է գալիս «Լիվերպուլը»: Մարզիչը սիրում է նրան: Միայն գրավիչ առաջարկը կարող է ստիպել Մանեին՝ լքել ակումբը: Նա շատ բան է տվել «Լիվերպուլին», և ակումբը, նույնպես, նրան շատ բան է տվել, բայց կգա մի մեծ թիմ, որը կստիպի նրան մտածել: Կան մի քանի այնպիսի ակումբներ, ինչպիսին է «Լիվերպուլը»:
Միգուցե, «Ռեալը» հետաքրքրի Մանեին: Այդ դեպքում, չեմ կարող ասել, թե նա ինչ կորոշի: Մեկ-երկու տարի հետո, գուցե, նա ցանկանա փոխել իրավիճակը: Չեմ կարծում, որ Մանեն ցանկանում է ամբողջ կարիերայի ընթացքում «Լիվերպուլի» կազմում խաղալ: Նա խելացի տղա է և գիտի, թե որն է իր համար լավը և ինչ պետք է անել»,-ասել է Կեյտան:
