«Մանչեսթեր Սիթիի» պորտուգալացի կիսապաշտպան Բերնարդու Սիլվան խոսել է ԱՊԼ-ի անհատական մրցանակների հանձնման մասին։
«Երեք տարի առաջ մենք չեմպիոն դարձանք, «Լիվերպուլը» հետ էր մնացել 30 միավորով, Կևին դե Բրյունեն անհավանական մրցաշրջան անցկացրեց, բայց ԱՊԼ-ի լավագույն խաղացողի մրցանակը հանձնեցին Սալահին։
Մյուս մրցաշրջանում լուրջ պայքար էր ընթանում Ռահիմ Ստեռլինգի ու Վիրջիլ վան Դեյկի միջև, մրցանակը վան Դեյկին շնորհեցին։
Հիմա Դե Բրյունեն նորից հիանալի մրցաշրջան է անցկացնում․․․բայց քանի որ մենք հիմա հետ ենք մնում ու «Լիվերպուլը», անկախ նրանից մրցաշրջանը ավարտին կհասցնենք, թե ոչ, ոսկին կվերցնի, մրցանակը նորից նրանցից մեկին կտան։
Անհատական մրցանակներն այդքան կարևոր չեն, որքան թվում են, պետք է քիչ մտածել դրանց մասին։ Եթե ինչ, «Լիվերպուլն» ուղղակի օրինակ է, ես հիանում եմ այդ թիմով»,- Սիլվայի խոսքերն է փոխանցում Goal.com-ը։
ԱՊԼ-ի ընթացիկ մրցաշրջանում, որը դադարեցվել է կորոնավիրուսի համաճարակի պատճառով, «Լիվերպուլը» 25 միավորով առաջ է անցել «Մանչեսթեր Սիթիից»։
