ՊՍԺ-ն հետաքրքրված է «Բարսելոնայի» հոլանդացի կիսապաշտպան Ֆրենկի դե Յոնգի ծառայություններով։ Ինչպես հաղորդում է fichajes-ը, փարիզյան ակումբը պատրաստ է կատալոնացիներին առաջարկել մինչև 100 միլիոն եվրո՝ 27-ամյա ֆուտբոլիստի տրանսֆերի դիմաց։
Աղբյուրի տվյալներով՝ դե Յոնգի տեղափոխությունը նախաձեռնվել է ՊՍԺ-ի գլխավոր մարզիչ Լուիս Էնրիկեի կողմից, որը կիսապաշտպանին համարում է առանցքային խաղացող թիմի միջին գծի ուժեղացման հարցում։ Էնրիկեն մտադիր է դե Յոնգի հետ ձևավորել էլիտար եռյակ՝ Ժոաո Նևեսի և Վիտինյայի մասնակցությամբ։
Փարիզյան ակումբը փորձում է օգտվել այն փաստից, որ դեռևս հստակություն չկա դե Յոնգի պայմանագրի երկարաձգման հարցում։ Այս ֆոնին նրանք պատրաստվում են «Բարսելոնային» ներկայացնել գայթակղիչ ֆինանսական առաջարկ, ինչը կարող է լրջորեն հետաքրքրել կատալոնական ակումբին՝ հաշվի առնելով նրա բարդ ֆինանսական վիճակը։
Սակայն տեղեկացվում է, որ վերջին շրջանում «Բարսելոնայի» ղեկավարությունը փոխել է իր դիրքորոշումը դե Յոնգի ապագայի հարցում։ Նորանշանակ գլխավոր մարզիչ Հանս-Դիտեր Ֆլիկը լիարժեք վստահություն է ցուցաբերում հոլանդացի կիսապաշտպանի նկատմամբ և ցանկանում է նրան պահել թիմում։
