«Մանչեսթեր Սիթիի» 29-ամյա կիսապաշտպան Ջեք Գրիլիշին կիրակի նկատել են Նորթ Բիդդիկ սոցիալական ակումբում, որտեղ նա զարմացրել է տեղացիներին՝ բարում բոլորին հյուրասիրելով 500 ֆունտ ստերլինգի խմիչք։
Ակումբում գարեջրի գինը կազմում է ընդամենը 2,90 ֆունտ։ Տեղացիներից մեկն ասել է. «Ջեքը իսկական ջենտլմեն էր, 500 ֆունտը բավական էր բոլորին ժամերով խմիչքով ապահովելու համար»:
Գրիլիշի այցը սոցիալական ակումբ տեղի է ունեցել նրա ընկերոջ՝ Ռիչարդ Լոգանի հետ, ով նախկինում պրոֆեսիոնալ ֆուտբոլիստ էր։ Ռիչարդը սոցիալական ցանցերում գրել է. «Երբեք չեմ տեսել, որ լուրն այդքան արագ տարածվի։ Անհավատալի է»։
Մի քանի ժամ անց Գրիլիշը նկատվել է Նյուքասլի ակումբներից մեկում։
Այս այցը տեղի է ունեցել Գրիլիշի՝ 2024 թվականը «իր կյանքի ամենադժվար տարին» անվանելուց կարճ ժամանակ անց: Չնայած դժվարություններին, նա հույս ունի կանոնավոր խաղաժամանակ ստանալ և վերադառնալ նախկին մարզավիճակին:
