«Նապոլիի» գլխավոր մարզիչ Անտոնիո Կոնտեն «Միլանի» հետ խաղում (2-0) հաղթելուց հետո խոսել է թիմի հեռանկարների մասին.
«Այն, ինչին մենք հասել ենք առաջին 10 տուրերից հետո, զարմանալի է և հիասքանչ: Պետք է քայլ առ քայլ առաջ գնանք՝ փորձելով հնարավորինս շատ միավորներ վաստակել։
Մրցաշրջանի մեկնարկից առաջ մեր նպատակը եվրոպական մրցաշարի ուղեգիր նվաճելն էր։ Սա կարևոր է, հաշվի առնելով, որ «Նապոլին» նախորդ մրցաշրջանում 14 տարվա մեջ առաջին անգամ մնաց առանց եվրագավաթների:
Բայց մենք չպետք է մոռանանք, թե որտեղից ենք սկսել։ Նախորդ մրցաշրջանում առաջին տեղից տարբերությունը 41 միավոր էր։ Ներկայիս «Նապոլին» իմ կարիերայի լավագույն թիմերից մեկն է։ Այնուամենայնիվ, մենք պետք է պատրաստ լինենք հնարավոր անհաջողություններին»,- Կոնտեի խոսքերն է մեջբերում լրագրող Նիկոլո Սկիրան։
