Մադրիդի «Ռեալի» հարձակվող Կարիմ Բենզեման մեկնաբանել է իր վերջին հայտարարությունը «Չելսիի» և Ֆրանսիայի հավաքականի հարձակվող Օլիվյե Ժիրուի վերաբերյալ: Հիշեցնենք, որ Բենզեման իրեն համեմատել էր «Ֆորմուլա 1» -ի հետ, իսկ իր հայրենակցին՝ կարտինգի հետ:
«Իմ Instagram-ի վերջին հեռարձակումից ոմանք հիշում էին միայն Ժիրուի և Ֆորմուլա 1-ի մասին ասած խոսքերը, բայց նրանք ուշադրություն չէին դարձնում իմ ասածին՝ Ֆրանսիայի հավաքականում նրա ներդրման մասին: Նրանք կենտրոնացան միայն այն բաների վրա, որ ես ասացի Ֆորմուլա 1-ի և կարտինգի մասին, բայց դա այն է, ինչ ես կարծում եմ և ճիշտ է:
Լսեք, եթե ինձ հարցնեին R9-ի մասին (խոսքը Բրազիլիայի հավաքականի նախկին հարձակվող Ռոնալդոի մասին է), ապա նա կլինի Ֆորմուլա 1-ը, իսկ ես՝ կարտինգ: Կարճ և պարզ»,- մեջբերում է Բենզեմային Marca-ն:
Հիշեցնենք, որ «Ռեալի» հարձակվող Կարիմ Բենզեման կտրուկ հայտարարություն է արել՝ ուղղված «Չելսիի» հարձակվող Օլիվյե Ժիրուին: Կարիմը ուղիղ եթեր էր մտել Instagram-ում, որտեղ նրան հարցրեցին «Չելսիի» հարձակվողի նկատմամբ նրա վերաբերմունքի մասին:
