Բրիտանացի լրագրող Թոմ Գիբսը The Telegraph-ում հրապարակել է մեծ քննադատական հոդված Պորտուգալիայի հավաքականի հարձակվող Կրիշտիանու Ռոնալդուի հասցեին։ Հեղինակի հիմնական ուղերձը Ռոնալդուի՝ մեծ ֆուտբոլից ժամանակին հեռանալու անհրաժեշտությունն է։
«2046 թվականն է։ Երկիրը շարժվում է դեպի անորոշ ապագա։ Արհեստական ինտելեկտը չարամիտ է դարձել 2033 թվականի մեծ ապստամբության ժամանակ։ Աշխարհի մեծ տարածքները դարձել են անմարդաբնակ՝ կլիմայի փոփոխության, շրջակա միջավայրի աղտոտման և չափազանց բարձր վարձակալության վճարների պատճառով… Իսկ 61-ամյա Կրիշտիանու Ռոնալդուն դեռևս դուրս է գալիս խաղադաշտ Պորտուգալիայի հավաքականի մեկնարկային կազմում:
Ոչ թե բժշկության գիտական հաջողությունների շնորհիվ, այլ որովհետև մինչ այժմ ոչ ոք չի համարձակվել նրան ասել, որ նա այլևս այն չէ։
Ցանկացած մարդ, ով այս ամառ դիտել է նրա ձախողումը Եվրո-2024-ին, կարող էր հասկանալ, որ նրա ժամանակն արդեն անցել է։ Ռոնալդուն իր կարիերայի վերջին շրջանում դարձել է տոտեմական սյուն։ Մեծ, տպավորիչ, բայց անշարժ, ինչպես մեկ այլ ժամանակաշրջանի ռելիկտ։
Նա չի մտածում Պորտուգալիայի հավաքականից հեռանալու մասին։ «Իմ մտքով անգամ չի անցել, որ իմ ցիկլն ավարտվել է», — ասում է Ռոնալդուն, հնչելով կարծես կլիմաքս:
Անշուշտ, Ռոնալդուն իր կարիերայում բավականին շատ բան է նվաճել՝ արժանանալու իր պայմաններով հրաժեշտի։ Բայց նման միջոցառումները ենթադրում են որոշակի մակարդակի խոհեմություն և գիտակցում։ Սակայն այս մարդը համառորեն շարունակում է անհաջող տուգանային հարվածներ կատարել իր հավաքականի համար՝ չնայած հակառեկորդին՝ մեկ գոլ 60 տուգանային հարվածից», — գրել է Թոմ Գիբսը։
