Եվրոպա լիգայի 2026/27 թթ. մրցաշրջանի անցումային փլեյ-օֆֆ փուլի պատասխան խաղում Հայաստանի գործող չեմպիոն «Արարատ-Արմենիան» Երևանի Վազգեն Սարգսյանի անվան «Հանրապետական» մարզադաշտում հյուրընկալեց ռումինական «Ունիվերսիտատեա Կրայովային» և նվազագույն՝ 1-0 հաշվով դրամատիկ հաղթանակ կորզեց։
Երկու խաղերի արդյունքում հաղթելով 2-1 հաշվով՝ «Արարատ-Արմենիան» նվաճեց Եվրոպա լիգայի լիգայի փուլի ուղեգիր։
Երևանյան թիմի և պարտուգալացի մարզիչ Մանուել Տուլիպայի հաջողությանն արձագանքել է պարտուգալական մարզական կայքերից մեկը․
«Մանուել Տուլիպան «Արարատ-Արմենիային» դուրս է բերում Եվրոպա լիգայի լիգայի փուլ՝ հայրենակից Ֆիլիպե Կոելյուի գլխավորած «Կրայովային» ուղարկելով Կոնֆերենցիաների լիգա․ պորտուգալական ֆուտբոլում փորձ ունեցող հարձակվող Սանդրո Լիման գոլի հեղինակ է դարձել ավելացված ժամանակում»,- գրել է Cabine Desportiva։
Այսպիսով, «Արարատ-Արմենիան» ոչ միայն պատմության մեջ առաջին անգամ կմասնակցի եվարագավաթային մրցաշարի լիգայի փուլին, այլ նաև առաջին հայկական ակումբն է, որը կմասնակցի Եվրոպա լիգայի հիմնական փուլին։
