Մոսկվայի «Սպարտակի» և Հայաստանի հավաքականի նախկին հարձակվող Յուրա Մովսիսյանը խոսել է Ռուսաստանի Պրեմիեր լիգայի 2024/2025 մրցաշրջանում մոսկովյան ակումբի մեկնարկի մասին։ Ռուսաստանի առաջնության 7-րդ տուրից հետո «Սպարտակը» 14 միավորով զբաղեցնում է մրցաշարային աղյուսակի չորրորդ տեղը։ Առաջին տեղում է Սանկտ Պետերբուրգի «Զենիթը», որը վաստակել է 17 միավոր։
«Սպարտակն» այժմ գլխավորում է Ստանկովիչը, ֆուտբոլային կարիերայի ընթացքում նա իմ կուռքերից էր։ Այժմ պարզ է, որ Դեյանը ֆանտաստիկ մարզիչ է, նա հիանալի աշխատանք է կատարում: Նա իր ոգին փոխանցում է խաղացողներին, իսկ տղաները նրա ոգու շնորհիվ են առաջ շարժվում։ Չեմպիոնական հավակնությունների մասին դեռ վաղ է խոսել, բայց «Սպարտակը» միշտ պայքարում է չեմպիոնության համար։ Ընդ որում, ՌՊԼ-ում նման մեկնարկից հետո թիմը պետք է լինի չեմպիոնական մրցավազքում։ Յուրաքանչյուր մրցաշրջանի մեկնարկից առաջ բոլորը գիտեն, որ «Սպարտակը» պայքարում է չեմպիոնության համար։
Բարկոն ինձ պես հաջողակ կդառնա՞: Կտեսնենք, ժամանակը ցույց կտա (ծիծաղում է): Տվյալներից պարզ է դառնում, որ Բարկոն շատ ուժեղ ֆուտբոլիստ է, ունի որոշակի որակներ ու հավակնություններ։ Ես իսկապես հույս ունեմ, որ նա կարող է օգնել մեր «Սպարտակին» ավելի շատ հաղթանակներ տանել»,- Մովսիսյանի խոսքերն է մեջբերում Metaratings-ը։
