«Բարսելոնայի» կիսապաշտպան Դանիել Օլմոն ասել է, որ կատալոնական թիմի բոլոր խաղացողները ցանկանում են տիտղոսներ նվաճել։
«Ես նոր եմ հաղթել Եվրոպայի առաջնությունում և չեմ հոգնել հաղթելուց. Ես ուզում եմ ավելի ու ավելի շատ հաղթել: Ֆուտբոլիստը չի կարող կորցնել հաղթանակների քաղցը, և թիմում բոլորը ցանկանում են «Բարսելոնայի» հետ կրկին տիտղոսներ նվաճել»,- Օլմոյի խոսքը մեջբերում է իսպանական Marca առցանց հրատարակությունը։
Օլմոն կատալոնացիներին միացել է օգոստոսին՝ տեղափոխվելով գերմանական «Ռեդ Բուլ Լայպցիգից»։ Տրանսֆերի գումարը կազմել է 55 մլն եվրո + բոնուսներ։ Ֆուտբոլիստի պայմանագիրն ակումբի հետ նախատեսված է մինչև 2030 թվականի ամառը: Transfermarkt-ը 26-ամյա կիսապաշտպանին գնահատում է 60 միլիոն եվրո, անցած մրցաշրջանում Օլմոն 25 հանդիպում է անցկացրել բոլոր մրցաշարերում՝ դառնալով 8 գոլի և 5 գոլային փոխանցման հեղինակ:
