«Բարսելոնան» կարող է նոր պայմանագիր կնքել սպորտային հագուստ և պարագաներ արտադրող ամերիկյան Nike ընկերության հետ։ Այս մասին հայտնում է Barca Universal-ը։
Կողմերը քննարկում են երկարաժամկետ պայմանագիր, որը նախատեսված կլինի 10 տարվա համար։ Պայմանագրի պայմանների համաձայն՝ «Կապտանռնագույնները» հովանավորից կստանան տարեկան 90 միլիոն եվրո։ Գործող պայմանագրով կատալոնացիները տարեկան վաստակում են 35 միլիոն եվրո։
Նշենք, որ «Բարսելոնան» ամերիկայան ընկերության հետ համագործակցում է 1998 թվականից։
