Ամեն ինչ տանում է նրան, որ Մադրիդի «Ռեալը» այս ամռանը այլևս նոր խաղացողներ ձեռք չի բերի։ «Արքայական» ակումբի գլխավոր մարզիչ Կարլո Անչելոտին օրեր առաջ հստակ հայտարարեց, որ մադրիդյան թիմի համար տրանսֆերային պատուհանը փակված է։
Միևնույն ժամանակ, «Սերուցքայինները» մտածում են նաև երկարաժամկետ հեռանկարների մասին։ Ինչպես հայտնում է TodoFichajes պորտալը, Մադրիդի «Ռեալը» ցանկանում է գտնել խաղացողի, որը ապագայում կարող է փոխարինել արդեն ոչ երիտասարդ Դանի Կարվախալին պաշտպանության աջ եզրում։
Աղբյուրի համաձայն՝ մադրիդյան գրանդն իր ուշադրությունն է սևեռել «Ինտերի» հոլանդացի պաշտպան Դենզել Դումֆրիսի ուղղությամբ:
Հոլանդացու գործող պայմանագրի ժամկետը «Ներաձուրիների» հետ լրանում է 2025 թվականի հունիսի վերջին, ինչը 28-ամյա խաղացողին հարմար տարբերակ է դարձնում «Ռեալի» համար։
