Մադրիդի «Ռեալի» և Ֆրանսիայի հավաքականի կիսապաշտպան Էդուարդո Կամավինգան կարծիք է հայտնել հարձակվող Կիլիան Մբապեի՝ մադրիդյան ակումբ տեղափոխության մասին։
«Սա նրա կարիերայի տրամաբանական շարունակությունն է։ «Ռեալն» այն ակումբն է, որը նրան պետք էր ՊՍԺ-ից հետո»,- Կամավինգայի խոսքն է մեջբերել Telefoot-ը։
Հունիսի 3-ին մադրիդյան ակումբը հայտարարեց հարձակվողի հետ հինգ տարվա պայմանագիր կնքելու մասին։ Հունիսի 30-ին ավարտվում է Մբապեի պայմանագիրը ՊՍԺ-ի հետ, որի կազմում նա հանդես էր գալիս 2017 թվականից։
