Տամարա Գորոն՝ «Վալենսիայի» պաշտպան Էզեկիել Գարայի կինը, շնորհավորել է ամուսնուն հայրերի օրվա առթիվ: 33-մյա ֆուտբոլիստի մոտ ավելի վաղ կորոնավիրուս էր ախտորոշվել.
«Մենք այս օրը կցանկանայինք բոլորովին այլ կերպ նշել, բայց այն, ինչ ծրագրում ես, միշտ չէ, որ կատարվում է: Մենք այս տարին այնքան էլ լավ չսկսեցինք: Մեր ճանապարհից մաքրում ենք քարերը, սակայն դրանք շարունակում են ի հայտ գալ:Բայց մի՞թե մենք երբևէ հանձնվել ենք. ոչ: Հենց այդ պատճառով էլ մենք այսպիսի հիանալի ընտանիք ենք ստեղծել:
Սիրելիս, ես միշտ ասել եմ քեզ՝ ինչ ցանես, այն կհնձես: Դու արժանի ես քո երեխաների սիրուն: Այս թղթի վրա մի նկար կա, որը նրանք շուտով անձամբ կտան քեզ: Մենք նորից բոլորս միասին կհաղթահարենք դժվարությունները: Իսկ մինչ այդ արի ուտենք այս թխվածքը, որը քեզ համար եմ պատրաստել, և մտածենք, թե ինչպես հերթական քարը հեռացնենք մեր ճանապարհից:
Այո, այս քարը շատ ավելի ծանր է կշռում, բայց հիշո՞ւմ ես՝ ինչպես 4 տարի առաջ մենք միասին մի ամբողջ պատ քանդեցինք: Շնորհավոր հայրերի օրը: Մենք քեզ շատ ենք սիրում»,- գրել է Գորոն Instagram-ի իր էջում: