«Մանչեսթեր Յունայթեդի» կիսապաշտպան Պոլ Պոգբան մարզվել է «Յուվենթուսի» մարզաշապիկով, որպեսզի աջակցի իտալացիներին կորոնավիրուսի դեմ պայքարում։
Ֆրանսիացին տեսանյութ է հրապարակել, որում տանը մարզվում է ՄՅՈՒ-ի պաշտպան Վիկտոր Լինդելոֆի հետ։
«Գիտեմ, որ ձեզնից հետաքրքրասերները կնկատեն «Յուվենթուսի» մարզաշապիկը, բայց ես ուղղակի աջակցում եմ իմ ընկերներին, ոչինչ ավելին»,-գրել է Պոգբան։
Պոգբան աջակցություն է հայտնել նաև «Սամպդորիայի» ֆուտբոլիստներին կորոնավիրուսի դեմ պայքարում։
Ավելի վաղ կային տեղեկություններ այն մասին, որ Պոգբան ամռանը կարող է վերադառնալ «Յուվենթուս»։