«Միլանը» 17 տարվա ընթացքում առաջին անգամ շահույթ է ստացել ֆինանսական տարվա վերջում։
Սեպտեմբերի 27-ին տեղի է ունեցել «ռոսոներիների» տնօրենների խորհրդի նիստը ֆինանսական տարվա արդյունքների վերաբերյալ, որը համընկնում է 2022/23 ֆուտբոլային մրցաշրջանի հետ։
Հանդիպման արդյունքում արձանագրվել է 6 մլն եվրո շահույթ։ Անցած ֆինանսական տարում «Միլանը» ունեցել է 66,5 միլիոն եվրոյի վնաս։
«Միլանը» 2006 թվականից ի վեր առաջին անգամ ֆինանսական տարին փակեց շահույթով, այն ժամանակ այս ցուցանիշը կազմում էր գրեթե 2,5 միլիոն եվրո։
Բացի այդ, ավարտված ֆինանսական տարում ակումբի եկամուտը գերազանցել է 400 միլիոն եվրոն (նախորդ ժամանակահատվածում՝ 297 միլիոն)։ Սա «Միլանի» համար նոր ռեկորդ է։
