Անգլիայի լիգայի գավաթի 1/16 եզրափակիչում «Լիվերպուլը» սեփական հարկի տակ 3։1 հաշվով առավելության հասավ «Լեսթերի» նկատմամբ։
Առաջին կեսում «Աղվեսների» կազմում հաշիվը բացեց Կեյսի Մակատիրը։ Երկրորդ խաղակեսում դաշտի տերերից աչքի ընկան Կոդի Գակպոն, Դոմինիկ Սոբոսլային և Դիոգու Ժոտան։
«Չելսին» սեփական հարկի տակ 1։0 հաշվով հաղթեց «Բրայթոնին»։ Հանդիպման միակ գոլը 51-րդ րոպեին խփեց Նիկոլաս Ջեքսոնը։
«Արսենալը» 1։0 հաշվով արտագնա հաղթանակ տարավ «Բրենթֆորդի» նկատմամբ։ «Զինագործների» կազմում 8-րդ րոպեին գոլի հեղինակ դարձավ Ռիս Նելսոնը։
«Ասթոն Վիլլան» սեփական հարկի տակ 1։2 հաշվով պարտվեց «Էվերթոնին», իսկ «Վեսթ Հեմը» հյուրընկալվելիս 1։0 հաշվով առավելության հասավ «Լինքոլնի» նկատմամբ։ «Ֆուլհեմը» 2։1 հաշվով հաղթեց «Նորվիչին»։
«Բլեքբերնը» 5։2 հաշվով ջախջախեց «Քարդիֆին», իսկ «Բորնմութը» 2։0 հաշվով հաղթեց «Սթոք Սիթիին»։
